As nosas actividades
Hai xa uns aniños que en GEAS andamos metidos en seguirlle a pista a distintos grupos de fauna por varias zonas de Galiza, sempre da man de colectivos que tamén teñen ganas de mirar polo medio. Chegou un punto no que tiñamos tanto entre mans que decidimos xuntar todo nun proxecto máis grande: así naceu a REGAM, a REde Galega de seguimento AMbiental. Dentro dela están iniciativas como o SECAME (Seguimento de CArnívoros MEdianos), o SEMICE (SEguimiento de los MIcromamíferos Comunes de España), A noite dos morcegos ou a RedeSEMUR (Rede de SEguimento de Morcegos URbáns). Todo isto para coñecer mellor a bichería que nos rodea e seguir aprendendo do que vive ao noso carón.
